2024三叉靚靚跈等行「當生趣 講客話 當沙鼻 」暑期夏令營 開課囉~

2024-07-08

【視傳媒記者小雪/苗栗報導】今(8)日上午於三義鄉立圖書館舉辦「2024三叉靚靚跈等行-學生講客暑期夏令營」開營宣誓儀式，三義鄉公所今年同鄉內个業界結盟合作，同客家委員會申請補助，以深化推動客語為通行語計畫，落實客語生活化、生活客語化，提升後生學子對三叉濃郁人文地產个熟識。

營隊透過講座、行踏、實作來深入體驗瞭解舊山線个鐵道文化及傳統客家產業。帶領學員去行查原在臺鐵西部盡靚个路段-舊山線鐵道，在盡高、盡彎、盡竳火車路項，感受歸路仔个天然景觀、連續个火車窿，就像帶等人客行轉頭擺頭擺个火車故事。還過導入木雕同汽車產業，豐富參加營隊者个視野，毋係走馬看花，係愛細細品味頭擺个風華歲月，營隊係用「客語」為教學語言同生活對話，達到客語生活化个學習目標。

2024三叉靚靚跈等行「當生趣 講客話 當沙鼻 」暑期夏令營 開課囉~

2024三叉靚靚跈等行「當生趣 講客話 當沙鼻 」暑期夏令營 開課囉~

2024三叉靚靚跈等行「當生趣 講客話 當沙鼻 」暑期夏令營 開課囉~

三義鄉係客家文化重點發展區，鄉公所長期煞猛推動客家文化个教育傳承。在客家委員會推動客語為通行語評核成效連等四年（108～111年）打「優」等。112年破天荒第一擺奪下「特優」，係客委會辦理評核以來第一擺頒發。未來各項客語推廣計畫，持續同客委會密切合作，提供在地鄉親客語服務，還過復振客語傳承發展，實踐客家族群在地主流化，邀請大家時時講客、儕儕講客，同客話越講越大聲。

今年个營隊成員展現後生新世代个活力。小隊輔劉奂廷、學員蘇意媗、張瑜妡係全國客家語情境式演說「特優」選手；也有鋼琴、吉他、二胡、嗩吶、鑼鼓等樂器高手，四對兄弟姐妹參加營隊个組合。營隊探索將會行入三叉个客家，用客語講授，互動，設計客語个學習單，毋單只學習同營隊課程相關个客語音標之外，也帶領學員用客語朗讀對話內容，還有分學員用客話寫作回答學習單个問題。用多元深入个課程設計，來增進學員客話聽講讀寫个能力。

「來三叉，當生趣；講客話，當沙鼻」三義鄉落力推廣傳承客家語言同文化，藉由三叉靚靚跈等行-暑期夏令營个課程體驗三義鄉立圖書館客語友善環境、十六份車頭(百年木造站房、最高點地標、短窿、二號窿)、三義木雕博物館、裕隆車之道體驗中心、舊山線鐵道自行車、山板樵(人公仔面彩繪)、卓也小屋(藍染)，營造客語友善環境，展現國際慢城〜友善客庄--三義客家風貌文化語言多元豐富个樣貌。

學員「識別證」行銷三義-木雕產業-結合客家

學員「識別證」行銷三義-木雕產業-結合客家